Lebroni shkruan historinë nga stoli për herë të dytë në karrierë!

Ka më shumë se 20 vjet në NBA dhe është padyshim njëri nga yjet më të mëdhenj, në mos më i madhi. Lebron Xhejmsi e tregon madhështinë e tij edhe në faktin se thuajse kurrë nuk e ka nisur një ndeshje nga stoli. Flitet për qindra sfida të tilla, dhe u desh të vinte ajo e Lejkërsave ndaj Çikago Bullsave, që “Mbreti” i basketbollit të shënonte ndeshjen e dytë që e niste nga stoli që kur vuri këmbë në Arenat e NBA-së. Lebroni hyri si zëvendësues në sfidën Lejkërs-Bulls, që miqtë e fituan 118-108 duke prishur festën e kthimit të legjendës nga dëmtimi. Xhejmsi shënoi 19 pikë dhe kapi 9 topa në tabela në gati 30 minuta.

Sfidanti.al