Dinamo zgjat bashkëpunimin me një prej futbollistëve të saj, Bekim Maliqin. Klubi kryeqytetas konfirmoi rinovimin e kontratës me mbrojtësin e krahut të djathtë të cilin shpreson ta ketë sa më shpejt në dispozicion për ndeshjet e Abissnet Superiores. Bekim Maliqi nënshkroi me Dinamon kontratën e re deri në 2028, me futbollistin që mungon në fushat e lojës që nga dhjetori i vitit 2025 për shkak të një dëmtimi
‘Mbrojtësi i djathtë i Bluve ka zgjatur bashkëpunimin me klubin, duke firmosur për dy sezone të tjera me Dinamon. Pas dy vitesh me fanellën dinamovite, Maliqi do të vazhdojë të jetë pjesë e skuadrës, duke vijuar rrugëtimin e tij me Blutë deri në vitin 2028-thekson Dinamo në njoftimin e saj të publikuar në kanalet e saj zyrtare.
