Los Anxhelos Lejkërsat po përpiqen për herë të fundit tani në dimër që të forcojnë skuadrën, pasi nuk po dinë se ç’të bëjnë më. Edhe pse në radhët e tyre po luan një lojtar që po sillet sërish si më i miri në NBA, sërish Liqenasit po humbasin dhe janë larg pretendimeve për titull. Lebron Xhejms e tregoi veten në ndeshjen ndaj Sakramentos duke shënuar 34 pikë, e duke shtuar 7 topa në tabela e 6 asistë, ndërsa duke humbur vetëm 1 top (diçka e jashtëzakonshme), por sërish Lejkërsat u mundën 116-125. Entoni Dejvis mbetet jashtë, ndërsa Rasëll Uestbruk duket hija e vetvetes, pasi shënoi vetëm 8 pikë (!!!), edhe pse kapi 12 topa në tabela e shërbeu 6 asistë. Lojtarët e tjerë të vjetër nuk po e “tërheqin dot karrocën” si Ariza, Hauard, ndërsa Karmelo Entoni është jashtë, por është gjithashtu i vjetër. Lejkërsat janë në vend të 8-të në Perëndim me 21 fitore e 21 humbje! Lebron Xhejms po shënon 29.1 pikë për ndeshje, me 7.4 topa në tabela e 6.6 asistë për ndeshje mesatarisht, në një nivel vërtet të lartë.

Sfidanti.al