Formula 1 zbuloi kalendarin provizor të sezonit 2021. Pas përmbysjes së planeve në këtë sezon për shkak të pandemisë, vitin e ardhshëm ka një kthim në një program më klasik, me shpresën se do të administrohen edhe spostimet që nuk u bënë të mundura në 2020. Sipas kalendarit provizor, nisja e kampionatit do të jetë në 21 mars në Melbourne me Cmimin e Madh të Australisë, ndërsa mbyllja e botërorit do të jetë në 5 dhjetor në Yas Marina me Cmimin e Madh të Abu Dabit

Në total do të jenë 23 gara, një rekord i ri ky, dhe këtu përfshiher edhe Cmimi i Madh i Monzës që do të zhvillohet në fundjavën 10-12 shtator. Është anuluar përfundimisht Cmimi i Madh i Vietnamit i parashikuar për t’u zhvilluar në 25 prill, kështu që mbetet edhe 1 garë për t’u vendosur në kalendar

Anulimi i garës së Hanoit që do të duhej të bënte debutimin në 2020 por që u anulua për shkak të pandemisë, këtë radhë nuk ka të bëjë aspak me problemet që lidhen me Covid-19. Heqja e Cmimit të Madh të Vietnamit u bë për shkak të akuzave për korrupsion që janë ngritur ndaj një funksionari përgjegjës të garës. Nuk përjashtohet që kjo garë të përfshihet në kalendarin e Formula 1 të 2022, por në këtë moment, eventi nuk duket se është në krye të listës së prioriteteve të autoriteteve lokale

Në kalendarin provizor është përfshirë edhe Cmimi i Madh i Brazilit(14 nëntor) edhe pse mundësia e zhvillimit të garës  në Interlagos është subjekt I rinovimit të kontratës. Në 28 nëntor do të bëjë debutimin absolut Arabia Saudite me garën që do të zhvillohet në pistën e Jeddah. Pritshmëri të larta ka edhe për kthimin e garës holandezenë Zandvoort, ku këtë vit nuk u garua. Cmimi i Madh i Holandës është parashikuar këtë radhë të zhvillohet në shtator në fundjavën paraardhëse të garës së Monzas. Kalendari do të duhet të marrë miratimin në Këshillin Botëror të Motorsportit, mbledhja e të cilit do të mbahet në dhjetor.

Kalendari i Formula 1 në 2021

GP Australi, 21 mars në Melbourne

GP Bahrain, 28 mars në Sakhir

GP Kinë, 11prill në Shanghai

25 prill ?

GP Spanjë, 9 maj në Barcelonë

GP Monako, 23 maj në Monte-Carlo

GP Azerbajxhan, 6 qershor në Baku

GP Kanada, 13 qershor në Montreal

GP Francë, 27 qershor nëa Le Castellet

GP Austri, 4 korrik  në Spielberg

GP Britani, 18 korrik në Silverstone

GP Hungari, 1° gusht në Budapest

GP Belgjikë, 29 gusht në Spa

GP Holandë, 5 shtator në Zandvoort

GP Itali, 12 shtator në Monza

GP Rusi, 26 shtator në Sochi

GP Singapor, 3 tetor në Marina Bay

GP Japoni, 10tetor në Suzuka

GP SHBA, 24 tetor në Austin

GP Meksikë, 31 tetor në Meksiko

GP Brazil, 14 nëntor në Sao Paulo

GP Arabia Saudite, 28 nëntor në Jeddah

GP Abu Dhabi, 5 dhjetor në Yas Marina

Sfidanti.al