Kjo skuadër ka fituar tituj edhe para disa vjetësh, dhe Kimi Raikonen ka qenë shkëlqimi që mbahet mend pas Mikael Shumaherit, por që të ketë dy makina në vendet e para në Formula 1, kjo kishte pa ndodhur që në kohën e Mikael Shumaherit. Dakord, po flasim për provat e lira, pjesën më pak të rëndësishme të një Çmimi të Madh, por gjithsesi përbën lajm. Sharl Lëklerk dhe Karlos Sainz nderuan “Maranelon” në provat e lira në Montekarlo, në pritje të provave zyrtare dhe të garës. Nëse kjo mrekulli do të vazhdojë të jetë i vërtetë, atëherë shanset do të ishin të mira të dielën në rrugën e Principatës sepse parakalimet në Montekarlo janë tepër të vështira për t’u kryer. “Është shumë e bukur për të qenë e vërtetë, jemi shumë të shpejtë në kthesa”, – ishin fjalët e Lëklerkut. Ljuis Hamilton doli i treti dhe vlerësoi Ferrarin, por edhe Mercedesin e tij. “Jam i kënaqur për Ferrarin sepse shtohet konkurrenca, – tha kampioni i botës, – unë ndihem mirë, makina është e mirë, por këtu është bërë e mërzitshme të garosh”.

Sfidanti.al