Një tjetër garë prestigjioze amerikane pret Fernando Alonson dhe behet fjalë për garën 24 Orë të Dejtonës. Edhe më parë është folur për mundësinë e pjesëmarrjes së Alonsos në këtë eveniment me spanjollin që synon të fitojë atë që quhet Kurorën e Trefishtë.

Mësohet se Fernando Alonso në këtë garë do të drejtojë  makinën Ligier JSP217 e skuadrës United Autosports që administrohet nga Zak Braun, që është edhe Shefi Ekzekutiv i Meklarenit në Formula 1, pjesë e së cilës është piloti spanjoll. Përkrah 36 vjecarit në 24 orë të Dejtonës do të jerë Filip Hanson, që është tashmë pjesë e United Autosports në serinë e Garave Lë Mans për Evropën dhe Lando Norris, piloti i ri i akademisë Meklaren që do të testojë makinën Ligier në Lë Kastejet në 7 nëntor.

Ndryshe nga sa ndodhi me pjesëmarrjen në Indy500 kur Alonsos iu desh të lërë garën e  Monakos në Formula 1, prania e tij në 24 orë të Dejtonës nuk do të prekë aspak garimin e tij në Formula 1. Kjo për faktin se ky eveniment do të zhvillohet në 27 janar të 2018. Përpara garës, Alonso do të kryejë testet zyrtare në datat5-7 janar të vitit të ardhshëm.

Sfidanti.al