Sa shumë i duam  futbollistët e rinj kur shefat duan të pompojnë veprën  e tyre! Me rastin e organizimit të Europianit të moshave 17 vjeç, presidenti Duka ka deklaruar se ky eveniment është shumë i rëndësishëm , pasi ata janë fidanët e së ardhmes. Kjo frazë, që shëtit  mbarë botën pa u lodhur me gojën e presidentëve të futbollit, tek ne tingëllon e denjë për ditën e “bekuar” te gënjeshtres…1 prillin!

I duam apo nuk i duam futbollistët e rinj? Këto ditë kemi treguar me vepra se cilët janë fidanët e vërtetë të së ardhmes. U luajt një “ film me dy seri”, me regji nga lart, mes Dinamos dhe Skënderbeut dhe rolet më negative ishin caktuar tamam për “fidanët”.  Cili ishte roli i tyre në këtë film? Nuk do të luanin futboll,por antifutboll.Mund te thuhet se  ishin të vrarë dhe të humbur.. ende pa fillur ndeshja. Dhe nuk mjaftoi turpi që u formëzua ndjeshëm në fushë, por trajnerët e tyre , Daja dhe Gjoka , “ engjëjt e pafajshëm”, u bënë komplimente futbollistëve të rinj që ranë “dëshmor”  në një betejë të helmuar nga presidentet e tyre…

Kur bëjmë Europian të moshave, bëjmë sikur vdesim për  ata që quhen fidanët e së ardhmes. Kur vjen dita e qametit,  në mbledhjen e Komitetit Ekzekutiv kemi votuar që në kampionat mund të luajnë njëherësh edhe 11 të huaj  bashkë..pa asnjë fidan vendas .

Sfidanti.al