Tronditëse në Angli, humb jetën James Hitchcock, portieri 28 vjeçar i Barton Toën FC pasi u sulmua gjatë një mbrëmje. Lajmin për vdekjen e portierit e ka bërë të ditur klubi që bën pjesë në Northern Counties East Football League. Për vrasjen e tij u arrestua një tjetër futbollist, sulmuesi Mckenzie Dicicco. Sipas raporteve nga gazetat britanike, Hitchcock, i martuar dhe baba i një fëmije, u sulmua të dielën në stacionin hekurudhor Barton-upon-Humber. 28-vjeçari ndërroi jetë në spital të mërkurën nga plagët në kokë. Masat nga Policia Britanike ishin të menjëhershme dhe çuan në arrestimin e 21-vjeçarit, Mckenzie Dicicco, një sulmues me përvojë në klube të ndryshme të vogla.

sfidanti.al