Lando Norris shkëlqeu sërish në Grand Prix-in e Brazilit, duke fituar garën pas suksesit të tij në Sprint dhe duke thelluar avantazhin në krye të renditjes botërore. Piloti britanik konfirmoi dominimin e tij dhe shtoi edhe një fitore në koleksionin e këtij sezoni.

Pas tij, surpriza e madhe erdhi nga Andrea Kimi Antonelli, piloti italian i Mercedes-it, i cili për herë të dytë në karrierë ngjitet në podium, duke përmirësuar vendin e tretë të marrë pesë muaj më parë në Kanada. Antonelli rezistoi në fund ndaj sulmit të një Max Verstappen spektakolar, i cili u detyrua të kënaqej me vendin e tretë, pas një gare që filloi nga pista e bokseve.

Gara nuk shkoi mirë për disa emra të mëdhenj: Oscar Piastri u ndal në vendin e pestë, pa mundur të kalonte George Russell, ndërsa Charles Leclerc u detyrua të largohej nga pista pas një kontakti me Antonelli-n pas rinisjes nga ‘Safety Car’, duke e mbyllur herët garën për Ferrarin. Edhe Lewis Hamilton u tërhoq në mes të garës për shkak të problemeve me makinën dhe penalitetit prej pesë sekondash.

Në renditjen e përgjithshme, fitoret e Norris e vendosin britanikun si favorit kryesor për titullin, ndërsa Antonelli po konfirmon se është një talent i jashtëzakonshëm në Formula 1.