Në ndeshjen e javës së dytë të Serie A, Milani mposhti Lecce-n me rezultatin 2-0. Në Via del Mare, ndeshja u zhbllokua në minutën e katërt me goditjen me kokë të Gabbia-s, por VAR e anulloi për një faull ndaj Coulibaly. Më pas, Gimenez humbi një mundësi në fund të pjesës së parë.

Në pjesën e dytë, meksikani gjeti rrjetën, por VAR përsëri e anuloi golin e Milanit për pozicion jashtë loje. Megjithatë, nuk kishte dyshime apo parregullsi në minutën e 66-të kur Loftus-Cheek shënoi me kokë pas një krosi të shkëlqyer të Modric për t’i dhënë kuqezinjve epërsinë. Në minutën e 86-të, Pulisic dyfishoi epërsinë, duke përfituar nga një gabim në mbrojtjen vendase.

Një fitore që zhduk fantazmat që kishin mbetur pas humbjes në San Siro kundër Cremoneses, me Allegrin që rikthehet të buzëqeshë dhe të fitojë si trajner i Milanit.