Mesfushori uruguaian i Manchester United, Manuel Ugarte, është në qendër të vëmendjes këtë javë jo vetëm për paraqitjet e tij në fushë, por edhe për jetën private. Futbollisti 24-vjeçar u fotografua në Alderley Edge, një lagje luksoze pranë Manchesterit, në shoqërinë e Georgia May Heath, influencere britanike e njohur dhe ish-e dashura e Kylian Mbappé-së.

Çifti u pa duke bërë pazare, duke e bërë lidhjen e tyre publike për herë të parë. Heath, e cila numëron mbi 230 mijë ndjekës në Instagram, njihet për postimet e saj mbi modën dhe bukurinë dhe ndan kohën mes Australisë dhe Mbretërisë së Bashkuar. Megjithatë, duket se Manchesteri po bëhet destinacioni i saj kryesor.

Interesante mbetet fakti se si Uguarte dhe Mbappé kanë ndarë të njëjtën dhomë zhveshjeje në Paris. Ende nuk dihet nëse gjatë asaj kohe Ugarte ka pasur rastin ta njihte Georgia May Heath, e cila tani është bërë pjesë e jetës së tij në Angli.

sfidanti.al