Me dygolëshin në kampionatin francez, hodhi edhe një tjetër hap drejt historisë. Lionel Mesi arriti në 772 gola në karrierë duke barazuar legjendën Romario, e duke lënë Pelenë 5 gola prapa. Natyrisht, Leo do të vazhdojë të shënojë, ndërsa përpara tij në renditjen e shënuesve më të mirë në histori janë vetëm Kristiano Ronaldo me 815 gola dhe Jozef Bican me 802. E sigurt që Mesi do ta arrijë Bicanin, por nuk dihet nëse do të mbërrijë Ronaldon. Në ndeshjen ndaj Klermonit, argjentinasi ishte më i miri në fushë, me 2 gola, 1 asist, 4 gjuajtje në portë, 5 driblime të suksesshme, 88 prekje topi, 4 pasime kyçe, 2 shanse të mëdha të krijuara, 100 për qind të pasimeve të suksesshme dhe notën 10.

Sfidanti.al