Nga Anglia të bëjnë të besosh se me dy ekipe në tetë më të mirët në garë, trofeu do të mbetet në ishull. Vjet e fitoi Çelsi, në finalen ndaj Arsenalit, ndërsa këtë herë janë Mançester Junajtidi dhe Uolvesi, dy ekipe vërtet shumë të mirë. Gjithsesi, trajneri i Romës, Fonseka, deklaroi se favorit për të fituar Ligën e Europës është Sevilja, pasi skuadra spanjolle eleminoi italianët duke i mundur 2-0 në ndeshje teke. “Sevilja është favorite për fitoren finale, – tha Fonseka, – niveli i spanjollëve ishte tepër i lartë dhe besoj se ata mund të triumfojnë në fund”. Sulmuesi i Romës, Edin Xheko, deklaroi shkurt se “ata na gëlltitën”, ndërsa shtypi spanjoll shkroi se Sevilja e bëri Romën të dukej ordinere. Sevilja është skuadra e vetme spanjolle e mbetur në garë, pasi Getafe u eleminua nga Interi, do të ndeshet pikërisht me Uolvesin e nëse kualifikohet përballet ndoshta me Junajtidin. Më i lehtë krahu i Interit.

Sfidanti.al