Kualifikimi i Shkëndijës dhe Dritës në fazën e grupeve të Conference League nxjerr zbuluar krizen që po gërryen futbollin tonë kombëtar. Ky duhet të ishte një turp, madje më shumë se kaq, për ata që sot nuk arrijnë të shesin as biletat e Kombëtares në një treg normal, qoftë fizik apo virtual.

Pushimi i kuqezinjve të Kombëtares e largon disi vëmendjen nga kjo disfatë, por realiteti mbetet i hidhur: Dinamo City, si e mbijetuara e fundit, nuk kishte asnjë shans. Dhe megjithatë, shpesh kemi zakon të krekosemi me emra të mëdhenj historikë e me investime që tejkalojnë disa herë ato të Kosovës apo Maqedonisë së Veriut. Por faktet flasin vetë: Kosova, për të tretin sezon radhazi, dërgon një skuadër në fazë grupesh. Ndërsa këtë vit, Shkëndija duket se do të mbetet e vetmja që do të mbrojë ngjyrat kuqezi.

Po ne, Shqipëria, çfarë bëjmë? Me gjasë, do të vazhdojmë të krenohemi me kolltukun e pushtetit në majat e kullës së UEFA-s, ndërsa fusha mbetet bosh, rezultatet mungojnë dhe e ardhmja sportive errësohet çdo vit e më shumë.

Nga Pirro Bardhyli