Të parin e ka në skuadër, dhe ka qenë i shkëlqyer këtë sezon. Po të ishte për trajnerin Julian Nagelsman, drejtorin sportiv Brazo Salihamixhiç apo shefin ekzekutiv Oliver Kahn, Çupo Moting do të ishte zgjedhja e parë për Bajernin. Gjithsesi, situata me kontratën e sulmuesit nga Kameruni nuk është e qartë, ndërsa thuhet se për të ka interesim nga Mançester Junajtidi (trajneri Ten Hag: Na duhen përforcime në sulm). Tashmë, ka dalë lajmi se në “Alianc Arenë” po mendojnë për Roberto Firminon. Kjo do të thotë se Bajerni mund të marrë sulmuesin e dytë nga Liverpuli pas Sadio Manesë. Ky do të ishte operacion i thjeshtë dhe i lirë, pasi kontrata e Firminos mbaron shpejt dhe ndoshta Jurgen Klopi do të mbështetet tek yjet e tjerë, mbi të gjithë tek Daruin Nunjezi. Të shohim se çfarë do të ndodhë.

Sfidanti.al