Natyrisht, mendja shkonte tek Championsi sepse bavarezët do të ndeshen me Paris SG, ndaj edhe nuk mund të kishte përkushtim maksimal. Bajerni vërtet fitoi 3-0 ndaj Bohumit, me rezultat të thellë e të sigurt, por gjithsesi paraqitja nuk ishte spektakël, e po ashtu kundërshtari jo edhe aq i fortë. Trajneri Nagelsman bëri ndryshime të shumta pas pushimit duke hequr Tomas Mylerin, Musialën, Çupo Motingun dhe Leroi Sanenë, ndërsa Alfonso Dejvis ishte në stol e hyri në vend të Kanselos. Për bavarezët u aktivizua edhe adoleshenti me origjinë shqiptare nga Kosova, Arijon Ibrahimoviç, që hyri në fushë në 77’. Golat u shënuan nga Tomas Myler, Kingsli Koman dhe Serzh Gnabri, por po ashtu fituan edhe rivalët si Dortmundi, ndodhet vetëm3 pikë prapa Bajernit në renditje.

Sfidanti.al