Ish-futbollisti italian, Giovanni Padovani, është dënuar me burgim të përjetshëm për vrasjen e ish-të dashurës së tij, Alessandra Matteuzzi. Gjykata e Bolonjës e ka shpallur fajtor Padovanin për ngjarjet e ndodhura më 23 gusht 2022 pranë shtëpisë së ish-çiftit. Gjyqtari i çështjes, Domenico Pasquariello, e ka marrë vendimin pas vetëm dy orësh, pavarësisht përpjekjeve të ish-futbollistit dhe modelit për të justifikuar krimin. Lojtari i atëhershëm i Sancataldese të Serisë D e plagosi gruan duke e shkelmuar, grushtuar dhe goditur me një çekiç, pastaj me një shkop bejsbolli dhe në fund me një stol që e mori nga një kopsht aty pranë. Veprime që përfundimisht i shkaktuan vdekjen. Matteuzzi u vra si rezultat i sulmit çnjerëzor të Padovanit. Disa veprime që janë kryer në derën e shtëpisë së tij dhe për të cilat futbollisti do të duhet të vuajë dënimin me burgim të përjetshëm, përveç dëmshpërblimit të familjarëve të viktimës që e kishin denoncuar për ngacmim javë më parë.

sfidanti.al