Në të vërtetë nuk pati shqetësime nga mbrojtja përveç një goli të pësuar me goditje standarde. Tomas Tuhel, po ashtu, mund të ndihet me ndërgjegje të qetë që Çelsi i tij u ndal nga Evertoni në Londër duke pasur 7 lojtarë jashtë për shkak të Kovidit. Jo vetëm kaq, por Blutë dominuan lojën duke mbajtur topin 80 për qind e më shumë, e duke pasur epërsi dërrmuese në gjuajtje e në pasime. Gjithsesi, fitore nuk pati. “Mëkat i madh që shpenzojmë kaq shumë për të shënuar, ndërsa kundërshtari shpenzon kaq pak për një gol, – tha trajneri gjerman, – ne humbëm shumë raste në pjesën e parë, ndërsa pas pushimit nuk patëm ritmin e duhur dhe ishte e vështirë. Mëkat që patëm sërish epërsinë dhe nuk e mbajtëm”. “Na munguan shumë lojtarë nga Kovidi, personalitete të mëdha, titullarë të përhershëm, por nuk duhet të justifikohemi, nëse na thonë të luajmë, do të luajmë”, – përfundoi Tuheli.

Sfidanti.al