Kapiteni i Bajer Leverkusen foli me guxim në intervistën e tij të fundit për “Sky Sports Germany”. Në Ditën Ndërkombëtare për Eliminimin e Diskriminimit Racor, Xhonatan Tah dha njohuri mbi përvojat e tij në një intervistë me “Sky Germany”.

Mbrojtësi i Leverkusenit u rrit në lagjen Altona të Hamburgut si djali i një babai nga Bregu i Fildishtë dhe nënës gjermane. Ai ka përfaqësuar Gjermaninë që kur ishte 16 vjeç dhe pavarësisht se ndihet “100 për qind gjerman”, 29-vjeçari ka qenë ende subjekt i racizmit.

“Sa herë që ne, lojtarët me lëkurë të errët, preknim topin, tifozët jashtë bënin zhurmë majmuni. Ne ishim 13 ose 14 vjeç. Kam folur për këtë me nënën time … dhe me trajnerin tonë të atëhershëm, Oto Ado, i cili e kishte përjetuar vetë. Kur ndodh diçka e tillë, është e rëndësishme të flasim për të menjëherë.

Kam mësuar të ndaj emocionet dhe ndjenjat e mia. Më dhemb akoma. Unë jam një burrë i rritur, një futbollist i sprovuar dhe më dhemb kur shoh dikë duke u tallur ose që i bëhen zhurma majmunësh. Besoj se sa më i hapur të jem, aq më shumë njerëz mund të arrij dhe ndoshta edhe të ndryshoj mendjen e tyre”, përfundoi Tah.

sfidanti.al