Në një aspekt kjo mund të merret si vlerësim për vendin në të cilin luan, pasi ai është “gardian” i Aston Vilës në Premier Ligë. Emi Martinez deklaroi përpara finales së madhe të kontinenteve, Argjentinë-Itali, se çdo argjentinas do të donte të dilte kampion në Angli. “Nëse do të duhej të zgjidhnim një stadium për të fituar një kupë, “Uembli” do të ishte i duhuri, – tha ai, – të gjithë argjentinasit duan që të dalin kampion në Angli”. Nga ekipi i sotëm kombëtar i Argjentinës janë 3 që luajnë në Angli, ndërsa fjalët e Martinezit mund të kuptohen edhe në një mënyrë tjetër, dhe që mund të ketë lidhje me Luftën e Malvineve (për britanikët, Ishujt Falklend), kur Argjentina u përpoq që t’ia merrte Britanisë së Madhe. Nuk mund të thuhet se publiku argjentinas ka ndonjë mendim pozitiv për anglezët.

Sfidanti.al