Transferimi i sulmuesit të Kombëtares shqiptare, Arbër Hoxha, te klubi nga Emiratet e Bashkuara Arabe, Al Wahda, është vënë në pikëpyetje, pavarësisht se marrëveshja dukej shumë pranë finalizimit. Sipas raportimeve të mediave sportive në Kroaci, Hoxha vijon të jetë pjesë e Dinamo Zagrebit, ndërsa zhvillimet e fundit kanë krijuar pasiguri rreth kalimit të tij në Emirate. Lojtari tashmë është rikthyer në Shqipëri dhe, sipas “Croatia Footy”, transferimi te Al Wahda aktualisht duket pak i mundshëm.

Palët kishin avancuar drejt një marrëveshjeje dhe zyrtarizimi i transferimit pritej të ishte vetëm çështje kohe, por situata ka ndryshuar dhe operacioni tashmë është në pikëpyetje. Hoxha është një nga lojtarët e rëndësishëm të Dinamo Zagrebit dhe ka kontribuar edhe me fanellën e Kombëtares shqiptare. Nëse transferimi te Al Wahda nuk realizohet, sulmuesi pritet të rikthehet te Dinamo Zagreb dhe të vijojë sezonin me klubin kroat, në pritje të ndonjë oferte të re në ditët në vijim.

Sfidanti.al