Skënderbeu hyri plotësisht në garën për titullin në Superligën shqiptare pas fitores ndaj Vllaznisë në Korçë. Kampionët në fuqi kaluan një provë që u duk e vështirë, pasi shkodranët kryesuan tri herë, por nuk arritën të mbaheshin deri në fund.

Çinari kaloi Vllazninë në epërsi, Salihi barazoi me penallti dhe me rezultatin 1-1 u mbyll pjesa e parë. Pas pushimit, miqtë shënuan sërish me anë të Tafilit, i cili gjithashtu ekzekutoi një 11-metërsh.

Më pas Salihi përfiton nga gabimi i portierit shkodran për barazimin 2-2, ndërsa Bakaj kthen Vllazninë në epërsi. U deshën minutat shtesë që të realizohej përmbysja përfundimtare, me rrjetat e Muzakës dhe Latifit, gjithashtu me penallti.

Skënderbeu ka tani 65 pikë, ndërsa Kukësi e Partizani janë në krye me nga 66, veçse mënyra sesi shkoi ndeshja me shkodranët ishte vërtet shumë e çuditshme,

Në ndeshjen tjetër të mbrëmjes, Flamurtari mundi 2-0 Tiranën në Vlorë, duke shënuar në fund. Shkodra dhe Bushiç ishin autorët e golave në minutat 89 e 91.

Flamurtari i jep shpresë vetes për mbijetesën, ndërsa Tirana zbret në vend të parafundit dhe rrezikon.

Sfidanti.al