Me tipin që ka nuk mund të mos krijojë probleme, veçse me talentin me të cilin është gatuar padyshim që nuk mund të mos krijojë admirim. i tillë Zllatan Ibrahimoviç, legjenda ende aktive që kthehet te kombëtarja e Suedisë, i përfshirë nga trajneri Anderson në listën paraprake për ndeshjet ndaj Gjeorgjisë, Kosovës dhe Estonisë në eleminatoret  e Kupës së Botës. Do të jetë gati besohet sepse këtë të enjte shpresohet të grumbullohet nga Milani për sfidën e Ligës së Europës ndaj Mançester Junajtidit, ndërsa ekipi kombëtar e do sidomos për Europianin e verës.

Ibra është shënuesi më i mirë i Suedisë me 62 gola në 116 ndeshje, ka realizuar rrjeta të jashtëzakonshme si ndaj Anglisë apo Italisë, ndërsa ka 5 vjet që nuk është grumbulluar. Me tipin e pakujdesshëm dhe shpesh euforik e mburrës zemëroi tifozët suedezë duke thënë se “e vendosa Suedinë në hartë”. Harroi se në 1950, skandinavët dolën të tretët në Kupën e Botës dhe në 1962 ishin nënkampionë bote me lojtarët e mëdhenj Nils Lidholm, Kurt Hamrin, Gunar Gren, apo me Skoglundin, Simonsonin, Aksbomin, Bergmarkun apo Svensonin, ndërsa për ta luajti i madhi Gunar Nordal.

Sfidanti.al