Pioli i kërkon Milanit që të shpëtojë sezonin në Bergamo!

Nuk donte që të vinte puna kështu, por ja që kombinimi nuk ishte me fat. Vetë Milani nuk arriti të fitonte në “San Siro” ndaj Kaljarit, duke demonstruar sërish se e ka të vështirë në shtëpi, ndërsa Interi nuk mundi të mbante të paktën barazimin në fushën e Juventusit, edhe për faj të arbitrit që dha penallti fantazmë në fund. Trajneri Stefano Pioli ishte i zhgënjyer, por ndoshta disi edhe e priste.

“Nuk ishim të qartë për shkak të vështirësive që patëm në këtë ndeshje, – tha Pioli, – është e lehtë të thuash se nuk duhej të kishte përfunduar kështu, se duhej të kishim vazhduar ecurinë fantastike të ndeshjeve të fundit. U përpoqëm si skuadër, por nuk ia dolëm. Mendoj se ishin të lodhur fizikisht dhe mendërisht. Tani kemi ndeshjen e fundit, finalen ndaj Atalantës. Le të fitojmë për të mos shkuar kot sakrificat e një sezoni të tërë”.

Milani ka 76 pikë, po aq sa Napoli që fitoi 2-0 në Firence ndaj Fiorentinës, ndërsa Juventusi ka 75 pikë pas fitores 3-2 ndaj Interit, në një ndeshje tepër të vështirë dhe me polemika. Javën e ardhshme në 23 maj, Milani shkon në fushën e Atalanës, Napoli pret Veronën, ndërsa luan në fushën e Bolonjës.

Sfidanti.al