Lukaku shpreson që ta takojë Eriksenin sa më shpejt tek Interi!

Nuk ka dashur që ta shqetësojë në spital dhe nuk do ta bëjë, ndonëse ka shkëmbyer mesazhe me të. Romelu Lukaku nuk mendon se është gjëja e duhur të shkojë në spital tek Kristian Erikseni, por e pret që të shërohet plotësisht dhe të vazhdojë karrierën, pra që të dy lojtarët të takohen së bashku tek Interi në korrik. “Nuk do ta takoj Eriksenin, por në minutën e 10-të të ndeshjes Danimarkë-Belgjikë do të ndalojmë për nder të tij”, – tha sulmuesi belg. Duke folur për veten e tij dhe kampionatin italian, Lukaku thotë se tek Interi mësoi edhe detajet më të vogla të futbollit, dhe se tani kupton më mirë. E qartë që kjo është për meritë të trajnerit Antonio Konte.

Sfidanti.al