Nëse Barcelona jep 40 milionë për Paulinjon, një lojtar mjaft të mirë, por jo të madh, Juventusi nuk shkon aq larg. Një futbollist i rëndësishëm, Blez Matyidi, i fortë tek Paris SG dhe i fortë tek Franca, erdhi për “vetëm” 20 milionë euro, plus 10.5 milionë të tjerë në formë shpërblimesh. Natyrisht, kur arrin suksese 10 milionë nuk janë ndonjë gjë shumë e madhe. Matyidi është një zgjedhje shumë e mirë në krahun e majtë, që di të dalë mirë në sulm dhe të mbrojë, një alternativë shumë e përshtatshme për mesfushën e Alegrit. Përvoja nuk mungon, përkundrazi, ka fituar 4 tituj kampion në Francë, 3 Kupa të Francës, 4 Kupa të Ligës dhe 5 Superkupa po të Francës. Futbollisti është 30 vjeç dhe ka nënshkruar kontratë deri në 2022.

Sfidanti.al