Arsenali e nisi mirë sezonin në Premierligë duke e mposhtur 4:3 Leicester Cityn, por në javen e dytë është ndalur në udhëtim te Stoke City, duke u mposhtur 1:0.

Golin e vetëm në këtë ndeshje e shënoi i transferuari nga Paris Saint Germaini, Jese Rodriguez, i cili debutoi me gol në Premierligë.

Xherdan Shaqiri ishte i pafat, pasi u lëndua në minutën e 25’të dhe ende nuk dihet nëse bëhet fjalë për diçka serioze.

Ndërsa Shkodran Mustafi dhe Granit Xhaka ishin titullarë, ky i fundit u largua nga loja në minutën e 79’të, duke lëshuar vendin për Alex Iwobin