Në Spanjë janë të sigurt, Antuan Grizman nuk do ta ketë të ardhmen te Mançester Junajtid, por te Barcelona. Është ‘El mundo Deportivo’ ajo që flet për kalimin e mundshëm të sulmuesit francez te skuadra katalanase në fund të sezonit.

Gjithnjë sipas kësaj të përditshmeje, nënkampionët e Spanjës, të cilët e kërkuan shërbimin e Grizman edhe gjatë muajve të verës, kanë shprehur gatishmërinë për të paguar klauzolën e kontratës së francezit e cila nga 1 korriku do të bjerë nga 200 në 100 milionë Euro, një shifër kjo që Barcelona nuk do ta ketë aspak problem ta shpenzojë. Barcelona është e vendosur që të sjellë në ‘Camp Nou’, Grizman i cili vlerësohet jashtë mase nga trajneri Valverde, ndërkohë që ai përkufizohet edhe si partneri ideal i Luis suarez në repartin e sulmit.

Sfidanti.al