Gazetarët janë mësuar ndoshta që Liverpuli të fitojë gjithmonë, ose të shkëlqejë gjithmonë, ndërsa ndodh që të kuqtë mund të kualifikohen edhe duke pasur mangesë. Kështu ndodhi në ndeshjen e Championsit ndaj Benfikës në “Anfild”barazuar 3-3, dhe pësimi i 3 golave u duk si një “mëkat” i rëndë. “Ne u kualifikuam për në gjysmëfinalet e Championsit dhe ju më thoni se unë nuk jam i lumtur, – tha i habitur trajneri i Liverpulit, Jurgen Klop – ju lutem, mos bëni shaka. Ne bëmë 7 ndryshime në formacion për arsye të rëndësishme. Në pjesën e parë luajtëm shumë mirë, dhe ishim lart deri në 3-1. Në fund, ne e ulëm përqëndrimin dhe prandaj pësuam golat. Gjithsesi, e arritëm qëllimin dhe jam me të vërtetë i lumtur”. Çiftet gjysmëfinale në Champions janë Mançester Siti-Real Madrid e Liverpul-Vijarreal, me ndeshjet e para në 26 e 27 prill, dhe të kthimit në 3 e 4 maj.

Sfidanti.al