Kim Jong Un nga Koreja e Veriut: Do krijoj më të mirë se Mesi

Akademitë në të gjithë botën janë në hall sesi të krijojnë të tjerë lojtarë të jashtëzakonshëm si Lionel Mesi, por është një vend në botë, dhe një person, i cili duket se nuk e ka problem. Ky njeri quhet Kim Jong Un, dhe është lideri suprem i Koresë së Veriut. Udhëheqësi i njërës prej dy Koreve është shprehur se ai i ka vënë vetes synim të prodhojë lojtarë edhe më të talentuar sesa argjentinasi.
“Futbolli do të jetë një prioritet strategjik për ne, – ka thënë së fundmi kreu i Partisë Komuniste të Koresë së Veriut, – do t’i stërvisim të rinjtë tanë për t’u bërë më të mirët në botë, më të mirë edhe se Lionel Mesi”. Ai i tha këto fjalë në Shkollën Ndërkombëtare të Futbollit në kryeqytetin Piongiang, hapur në 2013. “Tani për tani duam të dominojmë në Azi dhe më pas në të gjithë botën”, – u shpreh Kim Jong Un duke kujtuar lavdinë e koreanoveriorëve në Botërorin vitit 1966 në Angli, kur eleminuan të madhen Itali.
B. Kuka