Sa herë që Zlatan Ibrahimovic flet, bëhet shumë zhurmë. Këtë radhë suedezi ka preferuar të japë këshillë për një prej sulmuesve më të mirë në kontinentin evropian, Herri Kejn dhe këtë e bëri në një intervistë për ‘Bethard’.

‘Nëse Herri Kejn kërkon të fitojë trofetë më të rëndësishëm duhet të ndërrojë ekip-tha Ibrahimovic-Totenhemi është një ekip i mirë, por nuk është në nivelin e atyre ekipeve që janë në gjendje që të fitojnë gjithcka edhe pse kanë në pankinë një trajner fantastik si Maurisio Pocetino’.

Ibrahimovic i vlerësoi në maksimum aftësitë e sulmuesit të përfaqësueses angleze duke i tërhequr veshin skuadrës së Totenhemit.

‘Kur e pashë Kejnin te Anglia mendova se ishte një sulmues i mirë që mund të përmirësohej akoma më shumë-vijoi Ibrahimovic-ka bërë gjëra shumë pozitiv por të luash me një klub të madh dhe të bësh paraqitje të shkëlqyera është krej ndryshe nga ai të luajturit me një klub normal’.

sfidanti.al