Agjencia Botërore Antidoping, WADA dënoi Rusinë me përjashtim  nga të gjithë kompeticionet sportive ndërkombëtare për shkak te manipulimit të të dhënave të sportistëve me doping nga ana e laboratorit antidoping në Moskë. Një ndëshkim ky që prek Lojërat Olimpike të Tokios në 2020, ato Dimërore të Pekinit në 2022 dhe Botërorin e futbollit në Katar në 2022.

Ky vendim solli edhe reagimin e FIFA që I kërkoi Agjencisë Botërore Antidoping  sqarim në lidhje me pjesëmarrjen e Rusisë si vend në Kupën e Botës  të 2022.

‘Vendimi për fazën kualifikuese të Botërorit 2022 nuk do të aplikohet-tha Drejtori I Përgjithshëm I WADA, Olivier Nigli.

‘Vendimi do të aplikohet për fazën finale të këtij kompeticioni, pasi këtu vendoset se cila skuadër do të fitojë titullin-shtoi Xhonatan Tejlor, presidenti I Komitetit të Rishikimit të Përmbushjes së rregullave të WADA.

Kjo do të thotë se Rusia do të mund të zhvillojë rregullisht kualifikueset e Botërorit, por nëse do të kualifikohet nuk do të mund të marrë pjesë në kompeticion. Megjithatë futbolli e ka një shans për të qenë në evenimentin më të rëndësishëm futbollistik, një prani që mund të jetë nën një flamur neutral si një skuadër e pavarur

Sfidanti.al