Sinner synon vendin e parë

Sezoni 2025 i tenisit sapo ka përfunduar me suk sesin e dytë radhazi të Janik Sinerit në ATP Finals të Torinos, por në renditje kampioni italian e mbylli vitin pas numrit një botëror, Karlos Alkarazit. Sipas shifrave zyrtare, në janar të vitit të ardhshëm të dy do të nisin me një diferencë prej 550 pikësh, fillimi i një tjetër dueli të madh që pritet të përshkojë çdo sipërfaqe fushe dhe çdo turne, jo vetëm për trofetë, por edhe për dominimin e renditjes ATP.

Në vitin 2026, ndjekja e fronit botëror nga Siner do të rinisë në “Australian Open”, i vetmi turne i madh ku ai ka pikë të konsiderueshme për të mbrojtur në katërmujorin e parë të vitit. Më pas, nga shkurti deri në prill, për shkak të mungesës së rezultateve në 2025 (si pasojë e dënimit për çështjen Clostebol), Siner nuk do të ketë asnjë pikë për të hequr dhe do të mund të shtojë vetëm fitime në renditje, ndryshe nga Alkaraz.

Gjatë kësaj periudhe zhvillohen katër Masters 1000 (Indian Uells, Majami, Monte-Karlo dhe Madrid) si edhe ATP 500 i Roterdamit, turne ku Siner ka qenë i pranishëm shpesh vitet e fundit. Pikërisht këtu italiani mund të tentojë parakalimin ndaj kundërshtarit spanjoll. Edhe mes majit dhe qershorit skenari është i favorshëm për italianin, pasi Janiku ka më pak pikë për të mbrojtur sesa Karlosi dhe mund të synojë shkëputjen.

Në tabelë pasqyrohen pikët Kalors Alkaraz dhe Janik Siner duhet të “heqin” muaj pas muaji në vitin 2026. Një rivalitet i fortë mes dy njerëzve që komandojnë arenën botërore të tenisit, sfidë që garanton spektakël, duke nisur që nga viti i ardhshëm. Kujtojmë që Alkaraz numëron gjashtë triumfe në turnetë grand slam, ndërsa Siner katër.

sfidanti.al

Tags: , ,