Kush mund të flasë më mirë për derbin e Romës se Francesco Totti? Në një intervistë gjatë EA7 World Legends Padel Tour, ish-kapiteni dhe simboli i klubit kryeqytetas përshkroi kështu sfidën që do të luhet të dielën, në orën 12:30:

“Është ndryshe nga të gjitha ndeshjet e tjerët, është e bukur dhe e vështirë për t’u luajtur… Kush është roman e jeton këtë ndeshje ndryshe nga gjithçka tjetër.”

Si e shpjegon derbin e Romës për ata që nuk janë romanët?

Nuk mund ta kuptojnë, është e vështirë për t’u shpjeguar. Vetëm ata që janë romanë e kuptojnë rëndësinë dhe vlerën e kësaj ndeshjeje.

Si e sheh këtë ndeshje?

Jemi në fillim të kampionatit, mund të ndodhë gjithçka. Ndeshja e fundit nuk ishte e mirë nga të dyja skuadrat, prandaj mendoj se të dielën do të përpiqen të shlyejnë sa më shumë.

Çfarë nuk shkoi te Roma ndaj Torinos?

Mendoj se mungoi mentaliteti, agresiviteti dhe dëshira për të fituar. Ndoshta e morën pak lehtë, menduan se pas dy fitoreve radhazi do të ishte më e lehtë. Por fusha është ajo që vendos gjithçka, është një tjetër muzikë.

Çfarë mendon për Gasperinin?

“Shpresoj të bëjë mirë, është një trajner i madh dhe shpresoj të japë vazhdimësi për këtë skuadër.”

Cili lojtar ju pëlqen më shumë?

Mendoj për grupin. Individët nuk mund të bëjnë shumë, mënyra e vetme për të ndryshuar faqen është të jesh i bashkuar dhe të bësh një ndeshje të madhe me vendosmëri. Me këto faktorë mund të arrish rezultat.

Një lojtar i Lazios që ju pëlqen?

Zaccagni është më vendimtar, por me mënyrën që do të luajë Gasperini, do të krijojë një mbulim të fortë.

Keni parë ndonjëherë vetveten te Dybala?

Jemi dy lojtarë krejtësisht të ndryshëm, të dy teknikë. Unë jam pak ndryshe nga ai, por shpresoj të rikuperojë sa më shpejt, sepse i duhet kësaj skuadre, kësaj Rome. Dhe mbi të gjitha, i duhet vetë atij.

Ku e shihni Romën në fund të sezonit?

Shpresoj të arrijë në katër vendet e para, kjo është objektivi kryesor për të gjithë dhe sidomos për tifozët. Shpresoj të kthehet në ato nivele, Roma meriton një skenë si Champions League.

Çfarë mendoni për Italinë dhe Gattuson?

Më duket e çuditshme ta shoh në stolin e Italisë, ishim bashkëlojtarë. Por jam shumë i lumtur për të dhe shpresoj ta çojë Italinë në Botëror. Një mungesë e tretë radhazi nuk do të ishte e pranueshme, ndoshta jemi mësuar shumë mirë me rezultatet e mëparshme.

sfidanti.al