Ish-futbollisti kolumbian, Jorge Bolaño, i cili mori pjesë në Kampionatin Botëror Francë 1998, ndërroi jetë këtë të diel në moshën 47-vjeçare në qytetin Cúcuta. Ai vdiq nga një infarkt gjatë një feste në këtë qytet, i njohur për kalimin e tij të rëndësishëm kufitar me Venezuelën. Bolaño ishte një ikonë e Junior Barranquilla-s, ku luajti nga 1993 deri në 1999 dhe fitoi dy tituj kampionati kolumbian. Ai gjithashtu ishte pjesë e përfaqësueses kolumbiane, duke debutuar në vitin 1995 dhe duke marrë pjesë në Botërorin 1998 dhe Kupën e Amerikës 1999, ku shënoi një gol ndaj Kilit. Bolaño gjithashtu ka luajtur për disa klube italiane si Parma, me të cilin fitoi Kupën e Italisë në vitin 2002, dhe ka mbyllur karrierën e tij futbollistike në vitin 2012 me Cúcuta Deportivo. Pas pensionimit, ai ka punuar sindihmës trajner, trajner dhe komentator sportiv. Federata Kolumbiane e Futbollit shprehu ngushëllime për humbjen e tij, duke e vlerësuar për kontributet e tij në futbollin kolumbian.

sfidanti.al