Ish-sulmuesi i Barcelonës, Sergio Aguero kërkon 3 milionë euro nga klubi katalanas, siç raporton Mundo Deportivo. 36-vjeçari argjentinas pretendon se Blaugranët i detyrohen atij këtë shumë sipas një marrëveshjeje pas pensionimit të tij për shkak të problemeve me zemrën. Në kohën e përgatitjes së raportit vjetor të Barcelonës, pritej që çështja e Agueros të paraqitet për vlerësim. Megjithatë, klubi nuk ka informacion specifik për këtë çështje.

Më tej, kompania Scores Sports Management, Ltd ka bërë një ankesë kundër Barcelonës, duke kërkuar 10 milionë euro për “ndërmjetësim në transferimin e Ousmane Dembele te PSG”. Nga ana tjetër, klubi katalanas tha se PSG ka paguar 50 milionë euro, duke aktivizuar klauzolën për Dembelen, por në kontratën e lojtarit specifikohet se 25 milionë do të shkojnë për agjentin e lojtarit francez, Moussa Sissoko. Aktualisht, Barcelona qëndron në krye të tabelës së La Ligas, me 24 pikë në 9 ndeshje.

sfidanti.al