Flitej prej kohësh, por tashmë është zyrtare: Dritan Mehmeti nuk është më trajner i parë i Dinamo City. Me anë të një statusi në rrjetet sociale, klubi njoftoi pezullimin e tij nga detyra, një term që bëri zhurmë pas divorcit të Orges Shehit nga Tirana. Mehmetit i është ofruar posti i trajneri të ekipit U-21, një pozicion që tekniku e ka mbajtur edhe në të kaluarën te Dinamo City. Kjo nuk është herë e parë që Mehmeti përballet me një situatë të tillë, por burime të sigurta bëjnë me dije se fati i trajnerit ka qenë i shkruar kohë më parë. Dinamo pritet të nis një projekt të ri, këtë herë me Ilir Dajën në stol. Mësohet se drejtuesit e Dinamos kanë gjetur prej kohësh akordin me trajnerin e Ballkanit, gjithçka është e mbyllur, ndërsa pritet vetëm që Daja të largohet zyrtarisht nga ekipi i Ballkanit, diçka që pritet të ndodhë pas kësaj javë, në mënyrë që Daja dhe Dinamo të kenë pak më shumë kohë për të përgatitur pjesën e mbetur të sezonit, duke shfrytëzuar pauzën që do të sjell Kombëtarja.

sfidanti.al