Të ndëshkuar nga humbjet prej peshave të rënda të Grupit B, Kroacia dhe Shqipëria, që të dyja, kanë nevojë për një fitore në përballjen e tyre të mërkurën për të ndezur fushatën e tyre në Euro 2024 dhe për t’u dhënë atyre shpresë për përparim, shkruan sot Reuters. Kroacia ka një histori të pasur në Kupën e Botës, por kurrë nuk e ka përsëritur atë në Euro dhe e filloi përpjekjen e saj të fundit me një humbje zhgënjyese tre me zero kundër Spanjës.

Kurse Shqipëria është thjesht në turneun e saj të dytë të madh dhe luajti mirë kundër kampionëve në fuqi, Italisë, në ndeshjen hapëse të tyre, duke krijuar një epërsi që në fillim përpara se të dorëzohej 2-1. Të dy skuadrat kanë nevojë urgjente për pikë në ndeshjen e tyre të dytë në Volksparkstadion të Hamburgut, për të garuar për dy vendet kualifikuese ose për të forcuar shanset e tyre për të qenë një nga katër skuadrat më të mira të vendit të tretë që do të kalojnë në nokaut. Trajneri i Kroacisë Zlatko Daliç dëshiron më shumë agresivitet dhe shpejtësi nga një skuadër me cilësi – nga mesfushori veteran Luka Modriç 38-vjeçar, ndoshta në turneun e tij të fundit të madh apo nga mbrojtësi i klasit, Josko Gvardiol, 22-vjeçar, në fundin tjetër të karrierës së tij. “Ne e dimë se çfarë kemi kundër. Kemi dy ndeshje të vështira. Nuk ka mbaruar, mbani kokën lart. Qëllimi ynë është të përparojmë nga grupi dhe  do të bëjmë më të mirën për ta arritur këtë,” tha Daliç për një media kroate që e ka cilësuar si bëje o vdis. “Gjithçka është ende në duart tona, ende nën kontrollin tonë. Ne duhet të jemi më mirë… Më takon mua t’i përmbys gjërat, të tregoj të metat dhe të mos ndalem shumë në ndeshjen e Spanjës.”Pavarësisht se shihet si e vogël, Shqipëria kryesoi grupin e saj kualifikues ndaj skuadrave të tilla si Republika Çeke dhe Polonia dhe nuk janë në turne për numër. Trajneri i tyre brazilian Sylvinho do të përpiqet ta mbajë skuadrën e tij të disiplinuar përpara se të godasë Kroacinë befas – siç bënë kundër Italisë me një gol pas 23 sekondash dhe kështu pothuajse përsëri në fund, kur ata për pak nuk arritën  të barazojnë. “Unë kam parë skuadra të tjera në këtë turne. Nëse provoni të shkoni ballë për ballë me ta, ata do të shënojnë pesë ose gjashtë kundër jush,” tha ai. “Është hera jonë e dytë këtu në Euro. Kemi lojtarë në moshë të re, lojtarë shumë të mirë, por nuk është e lehtë.”Anësori i djathtë Jasir Asani është kërcënimi kryesor i Shqipërisë në ndeshjen e parë të këtij vendi kundër Kroacisë.

sfidanti.al