Newcastle është në krizë. Triumfi i Manchester United në FA Cup nënkupton një goditje të dyfishtë për “Magpies”, të cilët tani kanë nevojë më shumë se kurrë për të shitur, për të kursyer para. “Me litarin në fyt”, shpëtimi shihet tek shitja e disa elementëve kryesorë, për të zgjidhur problemet financiare të klubit. Emri që spikat më shumë është Bruno Guimarães. Braziliani është futbollisti me rekordin më të mirë në të gjithë skuadrën, së bashku me Aleksandër Isak, përveç se ka një klauzolë përfundimi prej 115 milionë eurosh, e pagueshme në tri afate, e cila mund të jetë efektive vetëm deri më 24 qershor. Nëse klubet e interesuara dëshirojnë të negociojnë, mund ta marrin për 80 milionë. Performanca e Bruno Guimarães këtë sezon ka tërhequr vëmendjen e klubeve më të mëdha në Angli. Muajin e kaluar, Manchester City filloi të krijonte kontakte me njerëz pranë futbollistit për të kuptuar situatën e tij. Janë të pakta klubet që mund të përmbushin klauzolën, pa llogaritur rrogën e lojtarit. “Magpies” duhet të mbledhin midis 70 dhe 80 milionë euro për të shlyer borxhet e tyre, një shifër që mund të kompensohet nga shitja e Brunos.

sfidantia.al