Nëse emri juaj është Lionel Messi, edhe mungesa në një ndeshjeje miqësore mund të bëhet një problem i madh. Jo aq për një çështje thjesht teknike, por për marrëveshjet që parashikohen rreth një ikone të futbollit botëror. Ylli i Inter Miami, pasi ndoqi një ndeshje testuese në Hong Kong nga stoli, u pushtua nga polemika dhe ofendime në shtyp dhe në rrjetet sociale. Pas saj ishte edhe një mesazh politik.

Të dielën e kaluar, Leo Messi nuk mundi të dilte në fushë për ndeshjen miqësore të organizuar në Hong Kong, për shkak të një problemi të vogël të muskujve, sipas asaj që u raportua nga Inter Miami dhe nga vetë lojtari. Një mungesë që tërboi një pjesë të madhe të publikut të pranishëm, i cili shkoi deri në shpenzimin e 4800 dollarëve të Hong Kongut (rreth 500 dollarë amerikanë) për të mos humbur eventin me ish-lojtarin e Barcelonës dhe PSG-së.

Messi, siç ndodhi me CR7 pak ditë më parë, u detyrua të kërkonte falje publike, me shpresën se do të mund të kthehej në Hong Kong dhe të kënaqte entuziastët dhe tifozët. 72 orë pas provës në Hong Kong, luajti 30 minuta gjatë ndeshjes miqësore të planifikuar në Japoni, duke mërzitur shumë qeverinë e Hong Kongut dhe tifozët kinezë, të cilët u shfaqën mjaft të acaruar.

Mungesa e Leo Messit ra në sy në Hong Kong, ku ylli argjentinas nuk zbriti në fushë për shkak të një dëmtimi muskulor, i cili u rikuperua pjesërisht disa orë më vonë. Skepticizmi i tifozëve kinezë, megjithatë, u nxit nga thashethemet e rinisura nga Global Times, sipas të cilave Messi u shty në stol nga “forcat e jashtme” për të poshtëruar Hong Kongun, vend që donte të përfitonte nga ngjarja për të gjeneruar të ardhura të reja.

Përgjigja nga qeveria e Hong Kongut nuk vonoi: “Messi nuk duhet lejuar kurrë të kthehet, njerëzit e Hong Kongut e urrejnë Messin, Inter Miami dhe dorën e errët që lëviz pas tyre, për fyerjen e qëllimshme dhe të llogaritur ndaj Hong Kongut”. Një histori e destinuar të mos përfundojë këtu.

sfidanti.al