Pas fitores 3-0 në transfertë ndaj Empolit, Stefano Pioli kënaqet me rezultatin dhe paraqitjen. “Ne pranuam diçka në pjesën e dytë. E menaxhuam topin, por gjithashtu duhej ta mbyllnim ndeshjen së pari – shpjegoi trajneri i Milanit për DAZN -. Ne vinim nga përvoja në të cilat kishim humbur pikë në të njëjtën situatë. Ishte një test pozitiv. Duhet të bëjmë shumë më mirë se vitin e kaluar në raundin e dytë. Patëm një periudhë delikate, në të cilën hodhëm disa pikë, por tani duam të rikthehemi. Duhet të mbajmë këtë mentalitet dhe të kemi këtë qasje në ndeshje”.

“Në sezon ka momente pozitive dhe negative. Ai negativ duket se është pas nesh. Nuk duhet të vazhdojmë të mendojmë për të kaluarën. Ka ende shumë gara dhe mundësi që ky sezon të jetë pozitiv. Ekipi po rritet, po luan në një nivel të mire. Tani kemi një ndeshje të vështirë në Kupën e Italisë dhe do të japim maksimumin sepse është një kompeticion që na intereson”.

Për të rinjtë. “Lojtarët ekspertë tani janë më profesionistë, të disponueshëm dhe që japin. Nga ana tjetër, ndonjëherë të rinjtë duan gjithçka menjëherë dhe nuk janë të gatshëm të sakrifikojnë veten për të marrë diçka. Të rinjtë tanë janë të talentuar, por kanë edhe qëndrimin e duhur. Janë të përulur dhe duan të mësojnë. Jemi të lumtur. Është formuar një grup i rëndësishëm që dëshiron të punojë dhe të bëjë mirë”.

sfidanti.al