Hakan Calhanoglu vazhdon të shënojë për Interin dhe “specialiteti” i tij padyshim janë penalltitë. Goli i shënuar sot ndaj Udinese-s ishte i 8-ti sezonal, i 7-i që shënonte me penallti mesfushori turk. Ai është treguar deri tani i pagabueshëm nga pika e bardhë që kur ka veshur fanellën e zikaltërve dhe këtë e tregojnë më së miri statistikat e tij. Që kur ka veshur për herë të parë fanellën e Interit në fillimin e sezonit 2021-2022, mesfushori turk ka ekzekutuar dhe realizuar të 10 tentativat e tij nga pika e bardhë. Sipas faqes së specializuar për statistikat sportive ”Opta”, kjo është shifra më e lartë mes futbollistëve të cilët nuk kanë gabuar asnjë penallti gjatë kësaj periudhe në Europë, duke ruajtur saktësinë 100% në realizime.

sfidanti.al