Gjigandi farmaceutik Moderna ka punësuar një ish-agjent të FBI-së për të përpiluar raporte të brendshme të kompanive për personazhe të famshëm “me rrezik të lartë”, përfshirë yllin e tenisit Novak Djokovic, të cilët kanë kritikuar publikisht vaksinat kundër coronavirusit, shkruan Neë York Post. Kompania farmaceutike me bazë në Boston që shiti një nga vaksinat e para të mRNA kundër COVID-19 që u shpërnda në dhjetëra miliona amerikanë gjatë pandemisë, thuhet se po punëson një ekip ish-zyrtarësh të zbatimit të ligjit për të formuar një “departament dezinformimi” për të monitoruar reagimet ndaj vaksinës së saj. Lajmet për ekzistencën e departamentit dhe raportet e tij u zbuluan fillimisht nga gazetarët e pavarur, Lee Fang dhe Jack Poulson. Sipas pretendimeve të tyre, departamenti porositi një raport të titulluar “Djokovic u kurorëzua hero anti-vaksinë pas fitores së US Open”. “Sjellja e Djokovic, i cili e kundërshtoi vaksinën duke mos e lejuar atë të konkurronte në US Open në 2022, u kthye dhe fitoi turneun e sponsorizuar nga Moderna, forcoi pretendimet se vaksinat janë të panevojshme,” thuhet në raport. Moderna e vlerësoi debatin rreth Djokovic si “me rrezik të lartë”, dhe përveç Novak, në listë janë edhe miliarderi dhe pronari i rrjetit social X, Elon Musk dhe aktori Russell Brand.

sfidanti.al