Dinamo City pa një qytet, busull dhe pa trajner. Blutë morën një goditje të fortë psikologjike pasi në një ndeshje të vetme regjistruan disa humbje. Edhe pse në avantazh 2-0 në pjesën e parë, Teuta i rrëmbeu fitoren duke e lënë thatë në një sfidë direkte për mbijetesën e duke e zbritur njëkohësisht në vendin e fundit të klasifikimit. Skuadër pa karakter dhe eksperiencë që lëshoi pikën në minutën e tetë shtesë ndërsa fitoren në 45 minutat e dyta.

Reflektim i një skuadre pa personalitet dhe mungesë e theksuar përgjegjësie nga një grup i ndërtuar për të synuar zonën europiane por sot i duhet të luftojë me mankthet e zonës së ftohtë sërish si dy sezone më parë kur ende pa e shijuar Superioren u rithye në “shtëpinë” e dekadës së fundit. Ndoshta nuk është një problem trajneri, i cili e mori përgjegjësinë e tij, e as emrash apo investimesh por thjesht problem që në gjenezë, pra në ADN-në e klubit që këtë vit ka modifikuar kodin gjenetik duke ndryshuar emër, stëmë e ndoshta edhe histori e kjo markë e rë duhet domosdoshmërisht të riniset nga nivelet më inferiore.

Nga Pirro Bardhyli