Real Madrid kryeson disa nga statistikat më interesante të historisë së Champions League ku më të rëndësishmet janë ato që lidhen me pjesëmarrjet, trofetë apo ndeshjet e fituara, por kompeticioni i kampionëve ka edhe një anë tjetër, atë të rekordmenëve negativë dhe një prej tyre është Juventusi. Bardhezinjtë kryesojnë klasifikimin e kartonëve të kuq me 28 të tillë, të ndjekur nga Porto dhe Bayern Munchen respektivisht nga 26 dhe 25.

Lojtari më i ndëshkuar? Në këtë rast duhet thënë, lojtarët sepse janë plot tre të tillë në ppodium me nga 4 të kuq. Nuk mund të mungojë Sergio Ramos bashkë me Zlatan ibrahimovic dhe Davids. Real Madrid si për mirë edhe për keq sepse rekordmenët e këtij kompeticioni mbajnë vendin e parë edhe për ndeshje të humbura. Plot 81 të tilla por kjo statistikë reflekton edhe faktin që “Los Blancos” është skuadra me më shumë ndeshje në kompeticionin të cilit i ka dhënë dhe marrë njëkohësisht shumë.

sfidanti.al