Nuk ndodhi si në 1992, kur Rekshami (Wrexham) eliminoi kampionët në fuqi të Arsenalit, por gjithsesi, suksesi ishte shumë pranë. Skuadra nga Uellsi është sot një ekip amator i ligës së pestë (Non League), por nuk nuk e pengoi që të luftonte ndaj Shefild Junajtidit, ekip i kategorisë së dytë (Championship), që është një kampionat tepër i fortë. Përfundoi 3-3, por miqtë barazuan vetëm në sekondat e fundit duke i shkaktuar një hidhërim të madh pronarit të Rekshamit, Rajan Rejnolds që shpresoi se do të arrihej fitorja. Tashmë, do të duhet të luhet një ndeshje tjetër, tashmë në stadiumin e Shefild Junajtidit, “Bramall Lejn”.

Sfidanti.al