Ishin rreth 41 000 tifozë në këtë ndeshje për trofe në “Uembli”. Edhe pse organizatorët kishin shpërndarë 47 000 bileta, jo që të gjithë erdhën, ndërsa më shumë se gjysma e stadiumit ishte bosh për finalen e Kupës së Anglisë në futboll për femra. U luajt një derbi i Londrës fituar 3-0 nga Çelsi ndaj Arsenalit, dhe lumturia për vajzat me fanela blu ishte e madhe.

Gjithsesi, në Angli ka debat pikërisht për hallet e futbollit të femrave. Finalja u luajt në 100-vjetorin e ndalimit të këtij sporti për vajzat dhe gratë në Britaninë e Madhe (1921), në atë që cilësohej ndoshta si vendi më i zhvilluar i botës për atë kohë, por jo kur vinte puna për gjysmën femërore të popullsisë. Po ashtu, finalja u luajt 50 vjet pas ndalimit që iu bë një gare të tillë në Angli, pasi finalja e parë u luajt në 1971. Në “Uembli” u prezantua trofeu i atëhershëm dhe e pranishme ishte ish-lojtarja e Partik Thisëllit, Elizë Kuk, që ishte me lot në sy. Kërbi dhe dy herë Kerr shënuan për Çelsin.

Sfidanti.al