Mos i stresoni arbitrat!  Sikur ta kishte thënë një nga ata shefat servilë në FSHF, që u del koka  nga veza zyrtare me telekomandë, fraza do të ishte si efekti i një ilaçi që provokon më shumë gjumë, pra, më shumë dallavere në Superligë. Kur flet “mbreti” ,  presidenti Duka, kjo frazë e lehtë në dukje, fsheh një nënkuptim tjetër, si shijet e atyre ndeshjeve, që t’i beson se po luhen pa marifet  nga palët, kurse në prapëskenë, pritet minutat e djallit për të urinuar mbi  naivitetin tonë të pashtershëm.

Si mund të ç’kodohet kjo “bomba e fundit” ..Mos i stresoni arbitrat?  Pikërisht në këto momente tragjike dhe epike, ku fundi i detit na sherbehet  si fushe me lule,  kur Skënderbeu është shpallur burgosuri  i madh i Europës, kur gjaku i lojës ka dalë i prishur edhe nga helmi i dopingut, kur Asambleja e bujshme qënka firmosur mbi letra petullash, që as nuk njihen në Gjykatë.. pse u dashka shqetësuar për..stresin në kokat  e arbitrave!   Ata që e njohin ne thellesi gjuhën e tij hileqare, orgazmën që përjeton “mbreti” kur gënjen popullin e mbijetuar të lojës që paska 7 shpirtra, nuk hapin këmbët siç e do zakoni , por kruajnë veshët.

Mos stresoni arbitrat ! Në shqipen e këtyre 16 viteve despotike ,  ka vetëm një shpjegim” mos e stresoni më presidentin Duka”. Pronarin pa letra të futbollit, atë që do ta kujtojmë për gjeninë e tij  të trazuar keqazi edhe kur mos jetë në fron . Këtë “zot-djall” që kombinon mrekullisht  dënimet nga brenda dhe dënimet nga jashtë (nga UEFA), me një zotësi amorale që të lë pa fjalë, por që  e bëjnë edhe më të kuptimtë misionin e tij…

Sfidanti.al