Nejmar rinovon me Barçën deri në 2021, klauzola 250 milionë euro!

Barcelona realizoi një operacion të shkëlqyer sportiv dhe financiar, rinovoi kontratën me Nejmarin. Ylli brazilian mësohet se ka vënë firmën mbi kontratën e re, e cila vlen deri në 2021, dhe ku bie në sy klauzola e shitjes. Në sezonin e parë, ajo do të jetë 200 milionë euro, pastaj do të rritet vazhdimisht në 222 milionë, deri në 250 milionë në pjesën e fundit të kontratës. Presidenti i katalanasve, Zhozep Maria Bartomeu ishte ai që dha lajmin, duke shkruar në Tuiter, “Vazhdojmë të punojmë për të ruajtur shkëlqimin sportiv, jemi të lumtur për rinovimin e Nejmarit”, postoi ai.

Sa do të jetë rroga e sulmuesit? Zyrtarisht nuk jepet asnjë informacion, por më parë mediat spanjolle kanë shkruar se bëhet fjalë për 25 milionë euro, një pagesë vërtetë “monstruoze”, që nëse është e vërtetë, kalon edhe rrogën e Lionel Mesit. Gjithsesi, pritet që pas Nejmarit, të rinovohet edhe kontrata e argjentinasit i cili është kthyer në formën e tij të shkëlqyer pas dëmtimit.

B. Kuka

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *