Ne muajin gusht, imazhi i Tottit duke buzeqeshur teksa tregonte fleten me emrin e Barcelones qe ishte ne nje grup me Juventusin ne shortin e Liges se Kampioneve, beri xhiron e botes. Kete radhe shorti deshi qe ne çerekfinale t’i takoje Romes qe te perballet me nenkampionet e Spanjes dhe dora qe e vendosi kete radhe ishte ajo e Shevçenkos. Megjithate duket se ky fat nuk e ka turbulluar aspak ish kapitenin e verdhekuqve.

‘Te them te verteten jam i kenaqur me shortin-tha Totti-jemi me 8 me te mirave te Evropes dhe per ne do te ishte njesoj edhe sikur te binim ne short me Mançester Sitin apo Realin e Madridit. Do te luajme sic kemi bere deri tani. Do te perballemi me nje prej skuadrave me te forta, por jemi te qete sepse mund te bejme mire edhe ndaj Barcelones. Jam i sigurt se edhe te Barcelona jane shqetesuar se do te luajne me ne. Kemi kaluar skuadra si Çelsi e Atletiko Madrid, keshtu qe edhe Barcelona do te duhet te djersise ndaj nesh’.

Ndeshja e pare mes Barcelones dhe Romes do te luhet ne Camp Nou ne 4 prill, ndersa ajo e kthimit ne Olimpico ne 10 prill.

Sfidanti.al